صحيفة نبض الشعب الاسبوعيه رئيس التحرير جعفر الخابوري

المغترب بيكون عايش برات لبنان ناطر اللحظة ليوصل فيها لبنان و يشوف اهلو و اخواتو و اصحابو..
يمشي بالحارة يلي كبر فيها و يمرق حد مدرستو و اماكن بيحبا و يسترجع زكرياتو..
بيحكي كلامو بيختلط عليه من لغة تانية صرلو سنين عم يحكيها..
بيصير يقولو عنو ليكو صدق حالو اجنبي قال يعني عم يفرجينا بيحكي انكليزي او الماني او فرنسي.
بيبقى خيفان يسوق بلبنان لان تعود عطرقات منظمة بيصير يقولو ليكو صار لازمو شوفير كمان..
بيشتاق لاكل امو و اكل مطاعم كان يحب ياكل منها بلبنان بيقولو ليكو كلاس ما بياكل الا بالمطاعم محشا مصاري.. بيشوف اصحابو بيسلم عليهم اول شي بيقولولو شو دبرلنا سفرة او عروس نطلع من هالبلد.. بيقول بقلبو انا ما عرفت كيف اخدت اقامة لاقدر روح وارجع كيف فيني ساعدهم؟!
بيقولو ليكو نايم عالعملة مليان مصاري جاي يكزدر و هو بيكون مجمع القرش عالقرش صرلو شهور اذا مش سنين ليقدر يقضي كم نهار ب لبنان..
هيدا الحكي يمكن ما بيحس فيه الا المغترب.. الغربة صعبة و الرجعة من لبنان عالغربة اصعب لما بيكون بدك تفارقو عن جديد لشهور او سنين كمان.
قلي شخص مرة المغترب بيصير غريب ببلدو وغريب بغربتو..